اول يوم في الموقع site engineer

 بداية و رقم ١: احب اقول ان المدونه غرضها اولا خير الجزاء من عند الله من باب( و ذكر أن الذكرى تنفع المؤمنين) .. ف يا ريت في اي مقال لو حد شايف حاجه غلط او محتاجه توضيح يقولي وجهة نظره و ده للاستفاده المتبادلة بيننا ، و ندخل في موضوعنا علطول دلوقتي . 

بداية دخولك في الموقع كمهندس حديث التخرج  بيبقى يوم مستحيل تنساه لأسباب كتيره اوي : 

اول يوم ليك في الموقع بيرسم خط سيرك كمهندس في باقي حياتك يا اما شخصيه قوية أو شخصية ضعيفة ، اهم حاجه في بداية دخولك في الموقع انك تسمع و تشوف من غير ما تتكلم . 

اهم شئ تتفرج على الصنايعيه و هم شغالين و تسمع لغتهم و طريقتهم في الكلام ، وتحاول متدخلش في اي حوار مع صنايعي في اي شئ انتا مش عارفه ، خليك على كده على الأقل اسبوع .. بتتكلم قليل و بتسمع كتير و تتعلم اكتر .  

اهم حاجه أن كل ده من غير ما تتعامل بتناكه ، يعني دايما وازن بين انك تتعلم و أن اللي قدامك ميحسش انك بتتعلم ، وازن دايما بين الضحك و الشغل و انك تتعلم دايما من كل حاجه تشوفها . 

كل الكلام ده عن عن المواقع ايا كانت انشائيه أو تشطيبات لأنك مش دايما هتنزل موقع في أوله و مش دايما هتكمله لاخره . 

اخيرا .. اتعلم من الموقع بدون تكبر لأن معظم دراسة الكليه مش بتشتغل بيها في مصر إلا في أعمال التصميمات و دي نسبة بسيطه من العمل في مصر ، انما التنفيذ غالبا بيكون غير الكليه خالص أو على الأقل بتاخد وقت علشان تربط الدراسه بالشغل العملي . 

دي اهم حاجات تعملها في أول ايامك في الموقع كمهندس حديث التخرج. 

في المقالات اللي جايه هنبدأ في كبسولات هندسية بشكل بسيط شوية ممكن متشوفهوش مع حد تاني . 

لا تنسونا بمشاركاتكم و صالح دعائكم 

          

                                              كبسوله هندسية