كبسولة هندسيه

 الاعمده هي العنصر الثالث في المنشأبعد القواعد العادية و المسلحه .  بداية : قبل البدء في الاعمده نرجع شوية للقواعد ، اماكن الاعمده بتتحدد من النقط المساحيه على حسب اللوحه ، و كمان دايما بيبقى العمود في نص القاعده من كل اتجاهاتها و بداية الشغل في الاعمده اصلا بيبتدي قبل صب القواعد . ازاي بقى ؟؟  قبل صبة القواعد المسلحه بحطط الاعمده و بحط اشاير الحديد للاعمده في مكانها الطبيعي من الاكسات و اشاير الاعمده بتكون معمول حسابها جوه القاعده و برجل و بتبقى فوق القاعده بطول 60*اقطر السيخ او 1 متر ايهما اكبر و دي وصلة الشد !!  طيب السؤال اللي لازم يتسأل في الحاله دي:   ليه بنعمل وصلة شد في الاعمده مع ان الاعمده بتشيل احمال ضغط ؟ الاجابة باختصار هي ان في حالات معينه الاحمال بتبقى غير منتظمه مثلا في الاحمال الديناميكيه او الزلازل . يعني في حالة الزلزال لا قدر الله الاحمال كلها بتتقلب . الشد بيقلب ضغط و الضغط بيقلب شد (شغل جنان يعني )😂😂 و بناءا عليه احنا لازم نبقى واخدين معامل امان كويس لان دايما وصلة الشد اكبر من وصلة الضغط . بعد كده نبدأ بقى في شغل الاعمده : نبدأ في الشده ...

 بداية كده و بعد صب القواعد العاديه لازم تعمل معالجة للخرسانات عامة و ده عن طريق رش مياه على الخرسانة لمدة ٧ ايام . و بعدها نبدأ الخرسانه المسلحة على بركة الله . 😊 القواعد المسلحه هي العنصر الثاني في خرسانات المنشأ . و قبل ما نبدأ في النجاره بتاعتها لازم نعمل حاجه اسمها توشيح.  طيب ايه بقى التوشيح ده يا بشمهندس ؟  هقولك انا ..   التوشيح ده باختصار هو انك ترسم القواعد المسلحه بقطاعتها في اللوحه علاقتها مع الاكسات بس هترسمها على الخرسانه العاديه .. يعني هتحول اللوحه من ورقه و ترسمها على الأرض ، و بعد كده نبتدي في نجارة القواعد و السملات .   اهم حاجه و انتا شغال تقرا اللوحه كويس و تقرأ الجدول التصميمي لقطاعات القواعد و الاعمده و تسليحها . و بتشتغل الحداده زي ماهو موجود في اللوحه و الجدول التصميمي.  بعد كده بنبتدي نعمل حاجه اسمها تحطيط الاعمده و ده بمعنى انك بتوقع الاعمده من اللوحه للواقع و ده علشان تربط حديد الاعمده بالقواعد زي ماهو موجود في الصوره .  صب الخرسانه المسلحه بتبقى كالآتي :  ١م٣ خرسانه =٧ شكارة اسمنت +٠,٨ م٣ سن +٠,٤ م٣ رمل ...

 بداية  و بعد اول مقاله هبتدي ان شاء الله في عمل كبسوله هندسيه متكامله ، الغرض منها هو ان المهندسين الحديثين التخرج يلموا شغل الموقع في خطوات مبسطه .  و هنبتدي ان شاء الله في اول مرحله من عناصر المنشا و هي القواعد العادية .  القواعد العاديه بيسموها في المواقع البلدي بانها فرشة النظافه و معظم الناس فاكرين انها ملهاش لازمه غير انها تفصل بين الارض و بين تسليح الخرسانه المسلحه لكن الكلام ده خاطئ لحد كبير.  القواعد العاديه بيختلف سمكها و ابعادها بناءا على اجهاد التربه المعروف في تقرير الجسات ، معنى كده ان القواعد العادية ليها تصميم و بتبقى داخلة معايا في الاحمال و اوقات بتبقى شايله احمال مع القواعد المسلحه ، يعني مش بس فرشة نظافه 😊   في بداية الموقع بيبقى في حاجه اسمها نقط مساحة و دي اللي بتبقى نقط على اللوحه و بيسقطها مهندس المساحه على الارض و دي بدايه التنفيذ ، لازم ابقى محافظ على النقط دي بكذا طريقه اشهرها عمل الخنزيره .  الخنزيره هي شده خشبيه قوية و ثابته بتتعمل من عروق و الواح موسكي و لازم تكون تقويتها قويه جدا ، و بتتحط على حدود المبنى على بعد ...

  بداية و رقم ١: احب اقول ان المدونه غرضها اولا خير الجزاء من عند الله من باب( و ذكر أن الذكرى تنفع المؤمنين) .. ف يا ريت في اي مقال لو حد شايف حاجه غلط او محتاجه توضيح يقولي وجهة نظره و ده للاستفاده المتبادلة بيننا ، و ندخل في موضوعنا علطول دلوقتي .  بداية دخولك في الموقع كمهندس حديث التخرج  بيبقى يوم مستحيل تنساه لأسباب كتيره اوي :  اول يوم ليك في الموقع بيرسم خط سيرك كمهندس في باقي حياتك يا اما شخصيه قوية أو شخصية ضعيفة ، اهم حاجه في بداية دخولك في الموقع انك تسمع و تشوف من غير ما تتكلم .  اهم شئ تتفرج على الصنايعيه و هم شغالين و تسمع لغتهم و طريقتهم في الكلام ، وتحاول متدخلش في اي حوار مع صنايعي في اي شئ انتا مش عارفه ، خليك على كده على الأقل اسبوع .. بتتكلم قليل و بتسمع كتير و تتعلم اكتر .   اهم حاجه أن كل ده من غير ما تتعامل بتناكه ، يعني دايما وازن بين انك تتعلم و أن اللي قدامك ميحسش انك بتتعلم ، وازن دايما بين الضحك و الشغل و انك تتعلم دايما من كل حاجه تشوفها .  كل الكلام ده عن عن المواقع ايا كانت انشائيه أو تشطيبات لأنك مش دايما هتنزل موق...